![](https://bibliobum.innovationlab.mk/wp-content/uploads/2019/04/DSC_0195.jpg)
Библиотеката при центарот за култура во Дебар, учесник во програмата #БиблиоБум ја краси секогаш позитивниот тим: Миранда Сефедини, Бесар Каба и Пајтим Машкули!
Разговарајќи со нив, согледавме дека нивната љубов кон книгата дели еднакво место во нивните срца со градот во којшто живеат: Дебар! Посветени на литературата и на внесување на позитивна промена во нивното општество, топло не поканија сите нас, но и Вас на посета во библиотеката и прошетка низ градот.
- Со кој збор би се опишале како тим?
Па.. Прекрасен!
- Кога денот ви е наопаку што е она што во библиотеката што може да ви го врати расположението?
Книгата, секако!
- Замислете дека во вашиот град е прогласен полициски час, вонредна состојба, заглавени сте во библиотеката во наредните 24 часа со 40 луѓе. Што ќе направите за забава?
Би ги повикале да ги истражат новите наслови и се посветат на книгите, кога се веќе тука во толкав број!
- Организирате интерактивна забава по повод патронатот, роденденот на библиотеката. Набројте три активности што би ги правеле со генерациите: деца, возрасни и пензионери.
Со децата би ја пеела песната “Happy Birthday!” и слични песнички што се пеат по родендени, а заедно со возрасните би ги повикала да ги дувнат свеќичките и ја пробаат тортата. За најстарите, би издвоила поклон книга од библиотеката.
- Во градот доаѓаат 500 туристи, а вашата библиотека има задача да го промовира градот и оформи агенда за запознавање со градот, што би вклучиле?
Во Дебар има многу да се види, а особено во неговата околина. На пример дебарските бањи и природната убавина што ги опкружува и КНАУФ Радика фабриката за гипс, кадешто може да се види целиот процес на производство. Дебарското езеро е неверојатно, би ги повикала туристите во таверната Цами на самото езеро, да уживаат во оброк и во пејсажите пред нив.